Hemşaredarê Amedî yê Bajarê Girdî Dogan Hatunî, endamê Komela Muxtaranê Lîceyî û şarê Taxa Kuye (Îslamkoy) a Pasûrî kerdî mêman.

Hemşaredarê Amedî yê Bajarê Girdî Dogan Hatunî, endamê Komela Muxtaranê Lîceyîû şarê Taxa Kuye (Îslamkoy) a Pasûrî qebul kerdî û derheqê problemanê înan de melumatî girewtî. Hemşaredar Hatunî, derheqê xebatanê ke seba halkerdişê problemanê şarî de ke dewanê dûrî de ciwîyenê,  yenê kerdene, melumat da.

Pêvînayîşî de ke Hemşaredarê Baglarî Sirac Çelîk û endamê meclîsî zî tede bîy, endamê komele û şarî seba îdareyê Şaredarîya Bajarê Girdî xêr û weşîye waşt. Hemşaredar Hatunî, keyweşîya xo yê nê pêvînayîşî îfade kerd û sipas kerd.

Zîyaretê şarê Taxa Tilhamî yê Ozdoganî

Muxtarê Taxa Tilhamê girêdayeyê qezaya Yenîşehîrî Bedrî Dîrî û şarê taxe Hetkarê Sekreterê Pêroyî yê Şaredarîya Bajarê Girdî Azîz Ozdoganî reyde pêvînayîşêk kerd û problemê xo dîyar kerdî.

Ozdoganî ke derheqê problemanê taxe de melumat girewtî, va ke do seba çareserîya probleman bilez hereket bikerê.