Hemşaredara Şaredarîya Amedî ya Şaristanê Girdî Serra Bucak, kombîyayîşê encumenê Yewîya Şaredarîyanê Tirkîya de bîye ke Anqara de ame organîzekerdene.

Kombîyayîşê encumenê aşma êlule yê Yewîya Şaredarîyanê Tirkîya (TBB) Anqara de virazîya. Kombîyayîşî de ke binaya Merkezê Pêroyî yê TBB'yî de bi serdarîya Serekê Şaredarîya Îstanbulî ya Şaristanê Girdî û Serekê TBB Ekrem Îmamogluyî ame organîzekerdene, tede Hemşaredara Şaredarîya Amedî ya Şaristanê Girdî Serra Bucak, Hemşaredarê Şaredarîya Mêrdînî ya Şaristanê Girdî Ahmet Turk û endamê encumenî amade bîy. 

Kombîyayîşê Encumenê TBB'yî de, derheqê butçeyanê şaredarîyan û deynê SGK'yî de ame qiseykerdene.