Şaredarîya Amedî ya Bajarê Girdî, seba wendekaranê ke Qezaya Yenîşehîrî Semtê Ben û Senî de ciwîyenê gêrayîşê Gêlî organîze kerd.

Mudirîya Şûbeyê Gedeyan yê Serekîya Daîreya Xizmetanê Sosyalan, seba ke hedeyê dezawantajinî cayê tarîxî û turîstîkî yê bajarî nas bikerê dest bi projeyêk pêkerd. Çarçewaya projeyê Atolyeya Gêrayîşê de her peynîya hefteyî do cayê tarîxî û turîstîkî yê qezayanê merkezî û teberî wendekaran rê bêrê daşinasnayîş. Bi no hawa wendekarî do şans bivînê ke bajarê xo hîna baş nas bikerê.

Çarçewaya projeyî de, gêrayîşê Gêlî organîze bîye ke 50 gedeyî ke Taxa Şehîtlîkî ya qezaya Yenîşehîrî Semtê Ben û Senî de ciwîyenê, beşdar bîy.

Ekîbanê Şaredarîya Bajarê Girdî serê sibayî rew wendekarî bi servîsan semtê Ben û Senî ra girewtî û mamostayan reyde berdî Gêl.

Eserê tarîxî, turîstîkî û kulturî ameyî danaskerdene 

Wendekarî Gêl de cayê tarîxî û turîstîkî rayberanê pisporan û arkeologanê ke Şaredarîya Bajarê Girdî de xebitîyenê, înan reyde gêrayî. Eserê tarîxî, turîstîkî û kulturî ke Gêlî de est ê, hetê rayber û arkeologan ra ameyî şirovekerdene û wendekaran rê danaskerdiş.

Wendekarî, badê ke werdê nêmrojî yo ke Şaredarîya Bajarê Girdî hazir kerdbî, werd, rayber, arkeolog û mamostayan reyde beşdarê tura tekne bîy.

Wendekaranê ke gêrayîşê şaredarî ra keyf girewtbî, sipasîya xo Şaredarîya Bajarê Girdî rê kerd.

Atolyeya gêrayîşî ke Şaredarîya Bajarê Girdî seba ke wendekarî bajarî nas bikerê ramena, çarçewaya atolye de do cayê tarîxî û turîstîkî rê gêrayîşî, perwerde û musnayoxî dewam bikerê.