Şaredarîya Amedî ya Şaristanê Girdî, seba ke domanan de hişyarîya trafîkî virazîyo, mîyanê hefteyî de her roje teqrîben 300 wendekaran rê Parka Perwerdeyê Trafîkî de perwerdeyê emnîyetê trafîkî dana.

Hetê Serekîya Daîreya Zabitayan ra seba domanan ke şonê kreş û dibistananê verênan, derheqê trafîkî de bi hawayêko teorîk û pratîk perwerdeyî yenê dayene. Nê perwerdeyî bi hawayêko pisporî yenê dayene. Perwerde de domanî derheqê qeydeyanê trafîkî de yenê agahdarkerdene.

Muhîmîya qayîşê emnîyetî

Seba ke domanî çîyanê muhîman sey roşnîyê trafîkî û pirdanê servîyeran fehm bikerê, roşnîynê trafîkî û pirdê servîyeran ke sey minyaturî ameyê viraştene, yenê şuxulnayene. Reyna bi wasitaya sîmulasyonî ya ke bale ancena muhîmîya qayîşê emnîyetî ser, derheqê perwerdeyî de melumatê xorînî yenê dayene.

Wendekarî bi servîsan mektebanê xo ra ameyî girewtene

Parka Perwerdeyê Trafîkî ke her roje 300 wendekarî perwerdeyî ra îstîfade kenê, wendekarê sinifê 3. û 4. yê Dibistana Verêne ya Nurîye Çelebî Eserî ya Qezaya Baglarî mêman kerdî. Wendekarî ke saetanê dîyarkerdeyî yê roje de bi servîsanê Şaredarîya Şaristanê Girdî binê muşahedeyê mamosteyê înan de ameyî parka trafîkî, hetê personelê pisporan ra perwerdeyê trafîkî girewt.

Wendekaran rê belgeyê beşdarîye ameyî dayene

Heme wendekaranê ke perwerdeyê xo parka de bi serkewtene qedênayî, înan rê belgeyê beşdarîye ame dayene, domanan rê kek û awa meyweyan ame vilakerdiş, şawqa û fîrike zî dîyarî ameyî dayene.