Koordînasyonê Xidayan ke Şaredarîya Amedî ya Şaristanê Girdî rayberîya ci kerd, yew şîranîkar de 150 kîloyî gozê xirabî ke do şîranî de biameyêne şuxulnayene, dest ser na.

Ekîbê Kontrolê Xidayan yê girêdayeyê Serekîya Daîreya Karê Weşîye lokanta, kafe, restoran, şîranîkar û tesîsan de ke eleqeyê ci raşteraşta weşîya şarî reyde est o, kontrolanê xidayan dewam kenê.

Na çarçewa de Koordînasyonê Xidayan Qezaya Baglarî de yew şîranîkarî de gozê xeripîyayî tespît kerdî. Ekîban kontrolî de 150 kîloyî gozê ke seba şuxulnayîşî amade bîybî îmha kerdî.

Kontrolî de tetbîqê qanûnî tesîsî rê ameyî kerdene û îqazê lazimî ameyî kerdene.

'Ma qerar dayo ke nê şaristanî de şarê ma rê xidayê nêweşî nêdê werdene'

Serekê Daîreya Karê Weşîye Wahap Saçaklîyî derheqê mesele de malumat da û dîyar kerd ke ekîbê Koordînasyonê Xidayan badê kantînê mekteban, marketanê herêmkî û neteweyîyan şîyê şîranîkaran ser û wina va: 'Na çarçewa de nê tesîsî şîranî de 150 kîloyî gozê xeripîyayî yê amadekerdeyan ameyî tewqîfkerdene û ceza ameye dayene. Ma sey Koordînasyonê Xidayan 17 qezayan de do kontrolanê xo bi lez dewam bikerê. Emnîyetê şarî rê çi ke lazim o ma do bikerê. Ma qerar dayo ke nê şaristanî de şarê ma rê xidayê nêweşî nêdê werdene. Seba naye ma her tewir tedbîran gênê.'