Mudirîya Pêroyî ya DÎSKÎ ya Şaredarîya Amedî ya Şaristanê Girdî, Taxa Fêran ya Qezaya Farqînî de xeta awa şimitişî ya 2 hezar metreyî ke emrê xo yê ekonomîkî temam kerdbî, newe kerde.

Mudirîya Pêroyî ya DÎSKÎ seba ke şaristan de bêvindertene awa şimitişî û xizmetê binawanî yê saxlemî temîn biko, xetanê awa şimitişî û kanalîzasyonî yê mehcudî ke emrê xo yê ekonomîkî temam kerdo, xebatanê newekerdişî dewam kena.

Ekîbanê ke girêdayeyê Mudirîya Pêroyî ya DÎSKÎ yê û Farqînî de xebatanê xo kenê, tesbît kerd ke Taxa Fêran de ke 130 keyeyî û nufûsê ci 970 kesî yo, xeta şebeke ke hewcedarîya awa şimitişî û şuxulnayîşî temîn kena, zaf rey teqena û wexto ke mudaxeleyê nê teqayîşan beno, resayîşê awe vindeno.

Xeta kehene emrê xo yê ekonomîkî temam kerd

Ekîbê DÎSKÎ ke bi projeyê ke ameyo hazirkerdene dest bi xebatan kerd, xeta awa şimitişî ke emrê xo yê ekonomîkî temam kerdbî, wedarte û herinda ci de bi esasgirewtişê nufûsî û planê îmarî, seba ronayîşê xeta awa şimitişî ya 2 hezar metreyî dest bi xebate kerd.

DÎSKÎ xeta 2 hezar metreyî newe kerde

Badê ke xebatî demêko kilm de qedîyayî, vindertişê awe ke seba teqayîşan bîyêne Taxa Fêran de ke nufûsê ci 970 kesî yo, qedîyayî.

'Ma do xebatan dewam bikerê'

Mudirê Şûbeyê DÎSKÎ yê Farqînî Abbas Arslanî derheqê xebatan de ke Taxa Fêran de ameyê kerdene va: 'Qezaya Amedî Farqîn de Taxa Fêran de teqrîben 2 hezar metre borîya awa şimitişî ya 90' ke emrê xo yê ekonomîkî qedênayo, hetê ekîbanê ma ra ameye tesbîtkerdene û pêroyê xeta awa şimitişî ya 2 hezar metreyî ameye vurîyayene. Ma sey Mudirîya Şûbeyê DÎSKÎ yê Farqînî do seba ke ma şarê xo rê awa weş û bêvindertene temîn bikerê xebatanê xo dewam bikerê.'