Şaredarîya Amedî ya Şaristanê Girdî, Qezaya Kayapinarî de seba baleantişê ser kanseranê çiçikan û qirika rehimî, programê perwerdeyî organîze kerd.

Mudirîya Şûbeyê Karê Îdarî yê Weşîye ya ke girêdayeya Serekîya Daîreya Weşîye ya, bi programê perwerdeyî yê ke taxan de organîze kena, cinîyan derheqê "Kansera Çiçikan" û "Kansera Qirika Rehimî (Servîks)" de agahdar kena.

Di cayê cîyayî yê Taxa Aştî û Taxa Mezopotamya ke girêdayeyê Mudirîya Cinîyan a Şaredarîya Kayapinarî de, programê perwerdeyî de bi hawayê vîzuelî bi kurdkî û tirkî pêşkêşî ameyî kerdene. Programê perwerdeyî de derheqê nîşaneyanê kanseranê çiçikan û qirika rehimî, faktorê rîskî, teşxîs û metodê tedawî de cinîyan rê malumat ame dayene.

Cinîyê ke beşdarê atolye bîyê, ê ke waşt pîvayîşê şekerî, tansîyonî û tawî û kontrolê çiçikan ameyî kerdene.

Program de reyna Atolyeya Domanan ya Şaredarîya Kayapinarî de personelê weşîye yê girêdayeyê Serekîya Daîreya Karê Weşîye ra domanan rê derheqê pankî û weşîya dindanan de perwerde ame dayene.