Encumenê Yewîya Şaredarîyanê Tirkîya (TBB), seba ke Şaredarîyanê Mardîn, Batman û Xelefetî rê qeyyûm ame tayînkerdene, Anqara de bi hawayêko îstîsna kom bîy. Badê kombîyayîşî ke Hemşaredarê Şaredarîya Amedî ya Şaristanê Girdî Serra Bucak beşdar bî, derheqê tayînkerdişê qeyyûman de îzahatêk do bêro dayene.

Serekê TBB'yî û yê Şaredarîya Îstanbulî ya Şaristanê Girdî Ekrem Îmamoglu, seba ke hemşaredarê şaredarîyanê Mardîn, Batman û Xelefetî karê xo ra ameyî dûrvistiş û cayê înan rê qeyyûm ame tayînkerdene, Encumenê TBB'yî dawetê kombîyayîşê îstîsnayî kerd. Kombîyayîşo Îstîsna yê Encumenê TBB'yî Anqara de ame viraştene. Kombîyayîşî de ke bi serekîya Serekê TBB û ÎBB'yî Ekrem Îmamogluyî virazîya, Hemşaredarê Şaredarîya Amedî ya Şaristanê Girdî Serra Bucak û endamê encumenî beşdar bîy. Hemşaredarê Şaredarîya Mardînî ya Şaristanê Girdî Ahmet Turkî ke kar ra ame girewtiş û cayê ey rê qeyyûm ame tayînkerdene, seba ke karê ey zaf bî bi vîdeo konferans beşdarê kombîyayîşî bî.

Badê kombîyayîşî derheqê tayînkerdişê qeyyûman de îzahatêk do bêro dayene.