Koordînasyonê Kontrolê Weşîye ke rayberîya Şaredarîya Amedî ya Şaristanê Girdî de ameyo sazkerdene, kombîyayîşê teşrîna peyêne viraşt û tayê qerarî girewtî. Netîceyê kontrolan de tetbîqê qanûnî ame kerdene tesîsan rê ke tesbît bîy ke awa lêmine danê Royê Dîcle û Devegêçîdî rê.

Koordînasyonê Kontrolê Weşîye ke rayberîya Serekîya Daîreya Karê Weşîye ya Şaredarîya Şaristanê Girdî de ameyo sazkerdene û tede Mudirîya Wîlayetî ya Derûdor, Bajarwanî û Vurîyayîşê Îklîmî, Mudirîya Wîlayetî ya Ziraetî, Serekîya Daîreya Pawitişê Derûdor û Kontrolî, Serekîya Daîreya Zabita, Mudirîya Wîlayetî ya Weşîye, Şaredarîya Baglarî, Şaredarîya Kayapinarî, Mudirîya Pêroyî ya DÎSKÎ est ê, kombîyayîşê teşrîna peyêne viraşt.

Royê Dîcle û Devegêçîdî ra nimûneyê awe gêrîya

Kombîyayîşî de ke Serekê Daîreya Karê Weşîye Vahap Saçakliyî îdare kerd, ame vatene ke seba awa lêmine ke Royê Dîcle ra hetê Pirdê Des Berinî û Devegêçîdî ra heta Herêma Organîze Sanayî, xebata saha ameya viraştene û nimûneyî ameyî girewtene. Kombîyayîş de ame qeydkerdene ke tesîsanê ke netîceyê kontrolê laboraturwarî de neyînî vejîyayî, înan rê tetbîqê qanûnî ameyo kerdene û ame dîyarkerdene ke di tesîsê entegreyê goştî ke Rayîrê Mardînî de yê, tede kontrol ame kerdene.

Heme tesîsî do bêrê kontrolkerdene

Goreyê qerarî ke ameyo girewtene ekîbê di kesan ke do hemparan ra bêro meydan, Herêma Organîze Sanayî ya Besîyî, Herêma Organîze Sanayî, tesîsê entegreyê goştî ke Rayîrê Mardînî ser o yê, hetê Pirdê Des Berinî û heme tesîsî mudetanê dîyarkerdeyan de do kontrol bikero û wayîrê tesîsan derheqê tedbîranê laziman de do îqaz bikero. Do qanûnî bêrê tetbîqkerdene tesîsanê ke goş nênanê îqazan ser.