Meclîsê Şaredarîya Amedî ya Şaristanê Girdî do roniştişê verênî yê kombîyayîşê adetî yê Teşrîna Peyêne goreyê prensîbanê demokrasîya raşteraşt û îdareyê şefafî vera Şaredarîya Şaristanê Girdî de şarî rê akerde virazo.

Kombîyayîşê adetî yê Meclîsî yê Teşrîna Peyêne do 11ê Teşrîna Peyêne roja dişeme saete 14:00 de dest pêbiko. Meclîs do roniştişanê bînan ke heta 15ê Teşrîna Peyêne roja îneyî dewam kenê, Salona Meclîsî de dewam biko.

Dawetê beşdarîya şarî

Kombîyayîşî de ke do şarî rê akerde bo, hedef o yo ke şar derheqê xebatanê şaredarîye de wayîrê hîna zaf melumatan bo û prosesî de raşteraşt beşdar bo.

Kombîyayîşî de ke do waştiş û pêşnîyazê şarî bêrê girewtene, rojevê derheqê xebatanê şaredarîye de do bêrê mişewrekerdene.