Şaredarîya Amedî ya Şaristanê Girdî bi îmkanê xo 1 mîlyon û 30 hezar vilikê zimistanî yê tewir-tewir û rengê cîya-cîyayan ramitê û dest pêkerd ke înan biresno herre.

Serekîya Daîreya Park û Baxçeyan ke seba Amedêko hîna kesk û rindek xebatanê xo dewam kena, Şefîya Fîdanlik de ke sînorê TOKÎyê Qezaya Yenîşehîrî de manena, tayê vilikê zimistanî ke ramitê, ronayî.

Şefîya Fîdanlik û Darûberinkerdişî ke do xebate de tasarrufêko ekonomîk o muhîm biko, demê zimistanî de seba refuj û çatrayîranê qezayanê Yenîşehîr, Baglar, Kayapinar û Sûrî pêro pîya 1 mîlyon û 30 hezar vilikî do biramno ke tede 500 hezar vilikê meneşkeyî yê sûr, zerd û sipî û 530 hezar vilikê kelemê xemilnayîşî yê sûr û sipî est ê.

Vilikê sezonî yê verênî Baglar de resayî herre 

Şefîya Fîdanlik û Darûberinkeridişî ke goreyê hamnan û zimistanî serre kena di leteyî û vilikê mewsimî yê cîya-cîyayan ramito, verê ke refuj û çayrayîran de vilikan rono, 4 qezayanê merkezî de vetişê vilikan, akerdişê cayî û xebatê binawanî qedênayî.

Serekîya Daîreya Park û Baxçeyan badê ke xebatê binawanî qedîyayî, vilikê sezonî yê verênî refuj û çatrayîranê Bulwarê Dîcle û Cadeyê Ehmed Bîlgînî yê Qezaya Baglarî de ronayî.

Vilikî heta Nîsane do refuj û çatrayîranê bajarî bixemilnê

Ekîbî, 1 mîlyon û 30 hezar vilikê ke ramitê, goreyê taqwîmê xebate payîz û zimistanî de cayanê cîya-cîyayanê bajarî de do biramê.

Vilikê ke Serekîya Daîreya Park û Baxçeyan bi xo ramitê, heta aşma Nîsane do refuj û çatrayîranê qezayanê Baglar, Kayapinar, Sûr û Yenîşehîrî bixemilnê.