Endamê Meclîsê Şaredarîya Amedî ya Bajarê Girdî, rozeto ke ser o "Vatişê ma nêqedîyayo, ma do pîya şîdetî vindarnê" nusîyayo pa kerd û beşdarê roniştişê kombîyayîşê aşma Teşrîna Peyêne bîyî.

Meclîsê Şaredarîya Bajarê Girdî, roniştişê 15. yê kombîyayîşê adetî yê aşma Teşrîna Peyêne kerd. Roniştişo ke bi serekîya sereka cagire yê Meclîsê Şaredarîya Bajarê Girdî Evîn Yelboga Salonê Meclîsî de virazîya, endamê meclîsî beşdar bîyî.

Endamê Grûba Meclîsî yê DEM Partî roniştişî de ke rojeva butçeyê malî yê serra 2025î yê şaredarîyanê qezayan ser o ame vindertiş, bi rozetê kampanya "Vatişê ma nêqedîyayo, ma do pîya şîdetî vindarnê" ke şaredarîya bajarê girdî û şaredarîyê qezayan bi munasebetê 25ê Teşrîna Peyêne Roja Têkoşînê Mîyanneteweyî yê Vera Şîdetê Cinîyan dest pêkerd û do yew serre dewam biko, beşdar bîy.