Cagirsereka Meclîsê Şaredarîya Amedî ya Bajarê Girdî Evîn Yelboga, bale ante 25ê Teşrîna Peyêne Roja Têkoşînê Mîyanneteweyî yê Vera Şîdetê Cinîyan ser o û dîyar kerd ke ê do pîya kar bikê ke şîdetê vera cinîyan vindarnê.

Meclîsê Şaredarîya Bajarê Girdî, roniştişê 19. yê kombîyayîşê adetî yê aşma Teşrîna Peyêne kerd. Roniştişî de ke biserekeya Cagirsereka Meclîsê Şaredarîya Bajarê Girdî Evîn Yelboga virazîya, endamê meclîsî beşdar bîyî. Cagirsereka Meclîsî Evîn Yelboga, akerdişê roniştişî de derheqê 25ê Teşrîna Peyêne Roja Têkoşînê Mîyanneteweyî yê Vera Şîdetê Cinîyan de qisey kerd.

Yelboga dîyar kerd ke ê sey Şaredarîya Bajarê Girdî û şaredarîyê qezayan bi munasebetê 25ê Teşrîna Peyêne Roja Têkoşînê Mîyanneteweyî yê Vera Şîdetê Cinîyan kampanyaya "Vatişê ma nêqedîya, ma do pîya şîdetî vindarnê" ke do yew serre dewam biko û dest pêkerdo û wina dewam kerd: "Ma do bi şîarê 'Vatişê ma nêqedîya, ma do pîya şîdetî vindarnê' pîya kar bikê ke şîdetî vindarnê. Ma pîya soz da. 25ê Teşrîna Peyêne yew roje nîya ke tena yew roje de bêro caardene. Çunke cinî her roje marûzê şîdetê fîzîkî, qalî û psîkolojîkî manenê. Ganî camêrdî zî piştî bidê nê têkoşînî. Ma do tim waran ra bê, vatişê ma nêqedîya ma do pîya şîdetî vindarnê."