Şaredarîya Amedî ya Şaristanê Girdî, seba ke şar bieşko rehet bireso werdê weşî, dorûverê Unîversîteya Dîcle de kontrolê tesîsan kerd.

Ekîbê Kontrolê Xida yê Serekîya Daîreya Karê Weşîye, dorûverê Unîversîteya Dîcle de kantîn, kafe, lokanta û çayxaneyî kontrol kerdî.

Kontrolan de wayîrê tesîsan derheqê mahsûlan de ke ganî nêrê rotene, ameyî agahdarkerdene û qeydeyê ke ganî bêrê tetbîqkerdene, ameyî vîrardene.

Ekîbî seba ke şar rehet bireso werdê ewle, kontrolan dewam kenê. Înan tesîsî hetê teknîkî, fîzîkî û weşîye ra kontrol kerdî û seba tesîsanê ke kêmanîyê înan estbî, wext dîyar kerd û protokol nusna. Tesîsan de mahsûlê ke tarîxê înan vîyartbî, dest ame serronayene û derheqê tesîsan de muameleyo qanûnî ame tetbîqkerdene.

Kontrolan de, tesîsê ke kêmanîyê înan tesbît bîyê, ameyî îxdarkerdene ke eke nê kêmanîyî nêrê raştkerdene, do muameleyê qanûnî bêro tetbîqkerdene.