Mudirîya Pêroyî ya DÎSKÎ ya Şaredarîya Amedî ya Şaristanê Girdî, Taxa Konaxî ya Qezaya Farqînî de xeta kanalîzasyonî ya newîye ronaye û problemê awa lêmine çareser kerd.

Mudirîya Pêroyî ya DÎSKÎ ya Amedî, seba ke xizmetêko kalîteyin pêşkêşê şarî bikero û waştişê xizmetî yê şarî bîyaro ca, seranserê bajarî de xebatanê binawanî dewam kena.

Mudirîya Pêroyî ya DÎSKÎ, Taxa Konaxî ya Qezaya Farqînî de zerarê ke awa lêmina ke akerde herikîyena, dayo derûdorî, cayê xo de tesbît kerd û projeyêk hazir kerd.

Ekîbê ke girêdayeyê Mudirîya Şûbeyê DÎSKÎ ya Farqînî yê, seba ke awa lêmine dûrî bibo, xetêka kanalîzasyonî ya 400 metreyî ronaye.

Mudirê Şûbeyê DÎSKÎ yê Farqînî Abbas Aslanî xebata ke taxe de ameye kerdene derheqê ci de malumat da û va: "Ekîbanê ma seba ke problemê awa lêmine ke serran ra Taxa Konaxî de esto çareser bikero, xebate kerde. Badê xebatanê fîzîbîlîteyî, ekîbanê ma xetêka kanalîzasyonî ya 400 metreyî ronaye, awa lêmina ke akerde herikîyena, kerde sîstemêko girewte. Bi na xebata ke ma kerde, weşîya şarî ame pawitene."