Hemşaredarê Şaredarîya Amedî ya Şaristanê Girdî Serra Bucak û Dogan Hatunî, rayîro ke Hêni û Pîran girêdano yewbînan a û 7,9 km derg o, dekerd xizmetê şarî.

Serekîya Daîreya Viraştişê Rayîr, Pawitiş û Koordînasyonê Binawanî, rayîro ke Hêni û Pîran ser o Taxa Kuyular û Kelekçî ra yewbînan a girêdano, 5,5 metre hîra û 7,9 km derg o, newe ra viraşt. Ekîban 43 hezar û 450 metrekare ca de kerrayê parkeyê kiitinî ronayî.

Seba akerdişê rayîrî ke qedîya, programêk ame viraştene. Nê programî de Hemşaredarê Şaredarîya Amedî ya Şaristanê Girdî Serra Bucak û Dogan Hatun, Hemşaredarê Hêni Besîle Narîn û Hemdullah Demîr, Hemşaredara Yenîşehîrî Safîye Akdag, Hetkarê Sekreterê Pêroyî yê Şaredarîya Amedî ya Şaristanê Girdî Reşat Bakan, Hemverfekê Meclîsî Ebdusselam Înceoren, endamê meclîsî, serekê daîreyan û şar beşdar bîy.

Qezaya Hêni de, cayê ke rayîr dest pêkeno, sereyê ci de hemşaredaran û şarî pîya qûrdele birna û rayîr dekerd xizmetê şarî.