Hemşaredara Şaredarîya Amedî ya Şaristanê Girdî Serra Bucak, Serekê 2. yê Şaredarîya Kolnî û wezîfedaranê Meclîsê Şaredarî û Herêmanê Ewropa reyde bi hawayê onlayn qisey kerd.

Hemşaredara Şaredarîya Amedî ya Şaristanê Girdî Serra Bucak, Serekê 2. yê Şaredarîya Kolnî Andreas Wolter, Serekê Verênî yê Şaredarîya Hannoverî Herbert Schmalstieg, wezîfedaranê Meclîsê Şaredarî û Herêmanê Ewropa (CEMR) û Masaya Almanya (RGRE) reyde bi wasitaya zoomî kombîyayîşêko onlayn de ameyî têhet. Qiseykerdişî de rewşa nikayîne ameye nirxnayene û beşdaran mesajê xo yê embazîye Hemşaredare Bucak rê dayî.

Qiseykerdişî de reyna derheqê zîrweyê CEMR de ke 9-10ê Kanûne de bajarê Karlsruhe yê Almanya de bena û Hemşaredare Bucak zî delegeya xozayî ya, fikrî ameyî qiseykerdene.