Şaredarîya Amedî ya Şaristanê Girdî, seba ke wendekaran Unîversîteya Dîcle îstîfade bikê, Keyeyê Cilşutişî reyna dekerd xizmetê şarî.

Keyeyê Cilşutîşî ke mulkîyetê Unîversîteya Dîcle yo û girêdayeyê Serekîya Daîreya Xizmetanê Cinî û Keyeyan o, reyna ame akerdene. Keyeyê Cilşutîşî, badê ke protokolê Unîversîteya Dîcle reyde bi qerarê Meclîsê Şaredarîya Şaristanê Girdî yew serre ame dergkerdene, reyna debî xizmetê wendekaran.

Keyeyê Cilşutişî ke Merkezê Ciwîyayîşê Wendekaran yê unîversîte de, Blokê B, Qatê Binerdî, nekirştbar Numre 4 de yo, badê ke tamîratê ke hetê Serekîya Daîreya Karê Fenî ra dest pêkerdbî qedîyayî, ame akerdene. Merkezî de ke di makîneyê zuwakerdişî û 3 makîneyê şutişê cilan ronîyayê, wendekarî do eşkê her roje hefteyî de saete 08.00 ra heta 17.00 cilê xo bêpere bişuwê û zuwa bikê.