Hemşaredarê Amedî yê Şaristanê Girdî Serra Bucak û Dogan Hatun ke Îstanbul de pêvînayîşanê xo dewam kenê, Serekê TUSÎAD'î Orhan Turanî reyde ameyî têhet. 

Têhetameyîşî de derheqê projeyanê averşîyayîşê sosyalî û zêdekerdişê potansîyelê sermîyananê şaristanî de fikrî ameyî qiseykerdene.

Seba ke Amed rê hîna zaf sermîyan bêro dayene û ekosîstemê kardarîye bibo xurt, seba endamanê TUSÎAD'î forumê karî û rojê daşinasnayîşê sermîyanan bêrê organîzekerdene ser o ame vindertene. Reyna ser o ame vindertene ke cinî û ciwanan rê kursê meslegî û projeyê dîjîtalî bêrê awankerdene û projeyê ziraetê mendeyî û enerjîyê keskî de hemparî bêro kerdene.

Peynîya têhetameyîşî de qerar ame dayene ke seba awankerdiş û îdarekerdişê projeyanê hemparan grûba xebate bêro ronayîş. Seba projeyanê ke do Amed de bêrê tetbîqkerdene û bi destekê endamanê TUSÎAD'î bêrê kerdene hedef o yo ke fonêko taybet bêro awankerdene.