Hemşaredarê Amedî yê Şaristanê Girdî Serra Bucak û Dogan Hatun, Îstanbul de Mudirê AFD'yî yê Tirkîya Tanguy Denieul û Marine Karcherî reyde ameyî têhet. Têhetameyîşî de derheqê fînans û detayanê teknîkî yê Projeyê Sîstemê Rayîrê Asinî yê Sivikî yê Amedî de qisey bî.

Têhetameyîşî de ke seba ke proje bilez bêro tetbîqkerdiş, atmosferêko pozîtîf de vîyart, qerar ame dayene ke do xebatêka hempare bêra kerdene û seba proje komxebata teknîke ya hempare bêro awankerdiş û wextêko tewr nêzdî de dest bi xebatan bêro kerdene.

Têhetameyîşî de bale ame antene ke na proje do hedêfanê resnayîşê mendeyî yê Amedî û averşîyayîşê herême rê zaf fayde biko. Hemşaredaran reyde Serekê Daîreya Xizmetê Cinî û Keyeyî Ozden Gurbuz Sumer, Serekê Daîreya Xizmetê Sosyalî Serap Yildirim û Serekê Daîreya Kontrol û Projeyan Murat Akbaş zî beşdarê têhetameyîşî bî.