Şaredarîya Amedî ya Şaristanê Girdî mîyanê xo de Taximê Futbolî yê Cinîyan awan kerd û taxim Lîga 3. de dest bi kayan kerd. Taxim, maçê verênî de Silvanspor 4-0 mexlûb kerd û dest bi lîge kerd.

Taxim, Parka Karakopruyî (Fîdanlik) de antremananê xo keno. Taximî de sportkarê 14-19 serreyî ca gênê û zafê înan wendekarê lîseya sporî yê.

Antrenora taximî Hazal Kaydu va ke ê seba serkewtişê sporî û xurtkerdişê perspektîfê cinîyan xebitîyenê. Aye va "Cinîyan rê camîaya sporî de hewayêko hewcedarî est a. Ma wazenê ke cinî her warî de asaye bibê."

Futbolîsta taximî Tuana Taniş (14) va ke ê ameyê tîya ke bibê şampîyon û bimojnê ke cinî zî eşkenê fubol kay bikerê. Futbolîsta bîne Nîda Durmuş (14) zî va ke ê do kesanê ke vanê "Şima nêeşkenê" rê serkewtişê xo bimojnê û vera bêedaletî vinderê.