Seba Vazdayîşê Şarî yê Newroze ke Şaredarîya Amedî ya Şaristanê Girdî do 16ê Adare de organîze bikero, muracatan dest pêkerd.

Serekîya Daîreya Xizmetê Ciwan û Sporî do Vazdayîşê Şarî yê Newroze organîze bikero ke şarê 7 serrî û ci ra zêdeyêr eşkenê beşdar bibê. Seba vazdayîşê şarî ke do 16ê Adare de bêro kerdene, qeyda dest pêkerd. Qeydî ke do heta 14ê Adare dewam kenê, Serekîya Daîreya Xizmetê Ciwan û Sporî ke Cayê Cuya Hempare yê Sumerparkî de ca gêna, do bêrê kerdene.

Vazdayîşê Şarî yê Newroze do Birca Keçan a Berê Mardînî ra dest pêbikero û Sumerpark de do biqedîyo. Vazdayîşî de êyê ke derece gênê do xelatanê cîya-cîyayan bigîrê.