Şaredarîya Amedî ya Şaristanê Girdî, 46 hezar şitilê gulan do refuj, çatrayîr û parkanê şaristanî de biresno herre.

Serekîya Daîreya Park û Baxçeyan ke Şefîya Fîdanlîkî ya qezaya Yenîşehîrî de dewam kena ke nebatan biresno, êyê vernî ra ameyê ronayene, înan ra teber emser herêmanê dîyarkerdeyan ê refuj û çatrayîranê şaristanî de 46 hezar hebî şitilê gulanê cîya-cîyayan do biresno herre.

Serekîya Daîreya Park û Baxçeyan, seba ke Amedî bikero şaristanê gulan, emser tewiranê Yedîveren, Muhammedîye û Meyland de 36 hezar hebî şitilî herînayî. Herînayîş ra teber, ekîbî gula Yedîveren, Muhammedîye û Meyland ke est bî, tarşnayî û tira 10 hezar şitilî peydakerdî.

Şefîya Fîdanlîkî û Darûberinkerdişî, şitilê gulan ke herînayî, goreyê bernameyê dîyarkerdeyî cayanê cîya-cîyayan ê qezayanê Yenîşehîr, Baglar, Kayapinar û Surî de resnena herre.

Ekîbî, seba ke nebatî bêrê ronayene, verê cû cayî amade kerdî. 36 hezar gulê Yedîveren, Muhammedîye û Meyland ke îklîm û şaristanî reyde têkildar ê, tarîxanê cîya-cîyayan de refuj û çatrayîranê dîyarkerdeyan de do ronê.

Şefîya Fîdanlîkî û Darûberinkerdişî ke germîya globale reyde çimeyanê awe rê dîqet kena, hewcedarîya nebatan ya refuj, çatrayîr û parkan goreyê naye şekil dano ci. Serekîya Daîreya Park û Baxçeyan, seba ke awe nêro xerckerdene, do goreyê îklîmî nebatan biweçîno.