Şaredarîya Amedî ya Şaristanê Girdî, goreyê fehmê şaredarîya komelkî, xebatanê piştîdayîşî yê welatîyanê ke zehmetîya ekonomîke ancenê, dewam kena. Çarçewaya xebatanê Serekîya Daîreya Xizmetanê Komelkîyan de, erşawitişê aşma êlule yê welatîyanê wayîrê SODES Kartî bîyî.

SODES Kartan rê serê her kesî 3 hezar TL erşawîyayî

Çarçewaya dayîşanê aşma êlule de, SODES Kartê 13 hezar û 650 welatîyan rê serê her kesî 3 hezar TL erşawîyayî. Bi no hewa mîqdarê pêroyî yê piştîdayîşê komelkî yê aşma êlule resa 40 mîlyon û 950 hezar TL. Bi tatbîqê SODES Kartî yeno amanckerdene ke welatîyê ke zehmetîya ekonomîke ancenê, hewcedarîyanê xo yê esasî temîn bikerê û mekanîzmayê piştîdayîşê komelkî xurt bibê.

Herînayîşê marketan de do bixebitîyê

Pereyê ke SODES Kartan rê erşawîyayî, do marketan de herînayîşê hewcedarîyanê esasî de bixebitîyê ke cîhazê POSî tede est o. Sîstemê kartî reyde welatî eşkenê hewcedarîyanê xo temîn bikerê.

Xebatê piştîdayîşê komelkî do dewam bikerê

Şaredarîya Amedî ya Şaristanê Girdî, seba ke seranserê şaristanî de pîyabîyayîşê komelkî xurt bibo û şertê cuya welatîyanê ke zehmetîya ekonomîke ancenê weş bibê, do xebatanê piştîdayîşê komelkî dewam bikera.

Çarnayox: Mehmet Olmez