Ekîbanê Yewîna Kontrolê Xidayan a Şaredarîya Şaristanê Girdî, wesayîtêk de ke Cayê Kontrolî yê Rayîrê Mardînî de hetê polîsan ra ame vindarnayîş, destserna teqrîben 3 ton serûpa ser o .

Etudê ke ame kerdiş, tede ame dîyarkerdiş ke serûpayî goreyê şertanê hîjyenî û mewzuatî nîyê û belgeyê ke cayê birnayîş û çimeyê înan nawitêne, çin ê.

Serûpayê ke ame tesbîtkerdiş hetê weşîya şarî ra talûke tede est a, ekîbanê Mudirîya Citkarîye û Birran a Bajarî reyde pîya ameyî destserronayîş û ameyî îmhakerdiş.

Derheqê ramitoxê wesayîtî de muameleyê qanûnî ame bicaardiş.

Serekîya Daîreya Karanê Weşîye, bi amancê ke şar bireso xidayanê biweşî, hîjyenîk û pêbaweran, do kontrolanê seranserê şaristanî dewam bikera.