Şaredarîya Amedî ya Şaristanê Girdî bi hemkarîya Mudirîya Perwerdeyê Neteweyî ya Qeza ya Şankûşî çarçewaya 16ê Teşrîna Verêne Roja Xida ya Dinya de wendekaran rê muz û şit vila kerdî.

Yewîna Kontrolê Xidayan a Serekîya Daîreya Karanê Weşîye û Mudirîya Perwerdeyê Neteweyî ya Qeza ya Şankûşî seba 16ê Teşrîna Verêne Roja Xida ya Dinya seba wendekaranê qeza çalakîyêk organîze kerd. Çalakîye de ke wendekaran rê muz û şit ameyî vilakerdiş, bale ancîya ser o ke ganî hişyarîya werdiş-şimitişê biweşî emrê qijî de bêro qezenckerdiş.

'Werdiş-şimitişo bes û hemseng muhîm o'

Çalakîye de bale ancîya ser o ke werdiş-şimitişo bes û hemseng seba pîlbîyayîş û averşîyayîşê gedeyan ê biweşî muhîm o û derheqê mana û muhîmîya Roja Xida ya Dinya de qisey bî. Ame dîyarkerdiş ke resayîşê xidaya biemnîyet û feydedare seba weşîya komelî zaf muhîm o.

Şaredarîya Şaristanê Girdî dewam kena ke piştî bido averşîyayîşê gedeyan ê biweşî û hişyarîya komelî ya derheqê emnîyetê xidayan de zêde bikera.

Çarnayox: Mehmet Olmez