Tarîx bar beno...
⏳Bar beno...
UNESCO Dünya Mirası
10.11.2015
Bilindiği üzere, “Diyarbakır Kalesi ve Hevsel Bahçeleri Kültürel Peyzaj Alanı”, 2015 yılında UNESCO Dünya Mirası Listesi'ne kaydedilmiştir.
Karê Weşîye

DBB'yî vera kêzikan têkoşînê zimistanî da destpêkerdiş

Şaredarîya Amedî ya Şaristanê Girdî, çarçewaya xebatanê dermankerdişî de ke seba pawitişê weşîya şarî kena, têkoşînê zimistanî da destpêkerdiş. Ekîbî ke cayanê padayeyan, rogar û foseptîkan de xebatanê xo dewam kenê, venga hemwelatîyan da ke awa varanî ya ke bodruman de pêser bîya veng bikerê.

Serekîya Daîreya Karanê Weşîye têkoşînê xo yê vera kêzikanê ke nêweşîye kirişnenê û tewiranê bînan ê ke seba weşîya şarî rîsk ê, demê zimistanî de zî dewam kena. Çarçewaya têkoşînê zimistanî de ke aşma teşrîna peyêne ra dest pêkerd, cayê ke nê tewirî tede manenê û zêdîyenê, tede xebatî yenê kerdiş. Ekîbî metodanê têkoşînî yê kulturî, kîmyewî, bîyolojîk û fîzîkîyan pîya tatbîq kenê û xebatanê xo goreyê dewranê cuya tewiranê hedefî plan kenê.

17 qezayan de pêroyê serre xebata bêvindertiş

Şaredarîya Şaristanê Girdî xebatanê dermankerdişî bi 275 personel û 69 wesayîtan 17 qezayan de 12 aşmê serre bêvindertiş dewam kena. Xebatan de 61 cîhazê holderî, 55 atomîzor, 8 ULV û 3 cîhazê mîstbloverî yenê xebitnayîş. Bi xebatanê vera gandaranê sey melşe, mêse, qijnik, dimpişk ûsn. yeno amanckerdiş ke populasyonê nê tewiran binê kontrolî de bêro tepiştiş û weşîya cugeh û komelî bêra pawitiş.

Cayanê zêdîyayîşî de kontrolo perîyodîk

Seba têkoşînê vera larvayanê melşeyan cayanê zêdîyayîşî yê sey xetanê kanalîzasyonî, golekanê awe, awa bodruman, foseptîk û hewzan de kontrolê perîyodîkî yenê kerdiş. Vera larvayanê mêseyan zî cayê ke silê heywanan tede kom beno, axur, konteynerê çopî û îstasyonanê neqlkerdişê çopî de kontrol û tatbîqatê larvasîtî yenê kerdiş.

‘Ma demê têkoşînê zimistanî da destpêkerdiş’

Şefê Yewîna Dermankerdişî yê Mudirîya Şûbeyê Weşîya Şarî Bulent Gongormuşî bale ante ser o ke varanê zafî yê zimistanê parî cayê zêdîyayîşî yê neweyî viraştî û va: “Wisar û hamnanî de ma nobetê xo teqrîben 24 saetê roje ser o vila kerdî û xebatê xo dewam kerdî. Na aşme ra nat ma demê têkoşînê zimistanî da destpêkerdiş. Nê prosesî de ma do cayanê padayeyan, rogar û foseptîkan de xebatanê xo bikerê.”

Hemwelatîyan rê vengdayîş

Gongormuşî va ke piştîdayîşê hemwelatîyan zî muhîm o û bale ante bodruman ser o ke awa varanî tede pêser bena. Gongormuşî va: “Ganî şarê ma seba vengkerdişê bodrumanê ke awa varanî dekewta ci hesas bo. Ma şarê xo zî dawet kenê ke piştî bido nê prosesî.”

Pare Bike
ALO 153Bajarê Dostê Cinîyan