Atolyeyê Gedeyan ê Dewreyê Hamnanî ke hetê Serekîya Daîreya Xizmetanê Sosyalan a Şaredarîya Amedî ya Şarsitanê Girdî ra ameyî organîzekerdene, dest pêkerd.

Atolyeyanê bêpereyan de ke Warê Cuya Hempare yê Sumerparkî de mîyanê hewteyî her roje yenê dayene, gedeyê grûba emrê 7-14 serran waranê huner, muzîk û rîtm, drama, pîyano, kursê ziwanî, hunerê ekolojî û felsefe (P4C) û kaykilanê darênan de perwerde vînenê.

Atolyeyan ra 520 gedeyî perwerdeyê bêpere gênê.

Pê xebatanê ke hetê perwerdekaranê warê xo de pisporan ra yenê ramitene, yeno amanckerdene ke paştî bidê averberdişê gedeyan ê hiş, huner, sosyal û kulturî. Perwerdeyê atolyeyan do heta peynîya aşma tebaxe dewam bikerê.