Tarîx bar beno...
⏳Bar beno...
UNESCO Dünya Mirası
10.11.2015
Bilindiği üzere, “Diyarbakır Kalesi ve Hevsel Bahçeleri Kültürel Peyzaj Alanı”, 2015 yılında UNESCO Dünya Mirası Listesi'ne kaydedilmiştir.
Hemşaredarî

Hemşaredare Bucak eşkerakerdişê beyanameyê Zîrweyê Şaran ê Îklîmî de bîye

Zîrweyê Şaran ê Îklîmî Antalya de qedîya. Hemşaredara Şaredarîya Amedî ya Şaristanê Girdî Serra Bucak beşdarê eşkerakerdişê beyanameyê peynî bîye. Beyanameyî vengdayîşê têkoşînê vera xerabîya ekolojîke, edaletê îklîmî û piştîpêdayîşê şaran kerd.

Zîrweyê Şaran ê Îklîmî 15ê teşrîna peyêne de Antalya de dest pêkerd. Zîrwe Merkezê Kulturî yê Mîmar Sînanî de bi eşkerakerdişê beyanameyê peynî qedîya. Hemşaredare Serra Bucak û temsîlkarê partîyanê sîyasîyan û rêxistinanê komelê sîvîlî beşdarê eşkerakerdişî bîyî.

Zîrweyî de karker, dewij, şarê cayî, cinî, ciwan û pawitoxê cuye ameyî têhet. Beyanameyî veng da ke sîstemo ke krîzê îklîmî virazeno bêro vurnayîş û seba naye têkoşînêko hempar bêro kerdiş.

Vera xerabîya ekolojîke vengdayîşê têkoşînî

Beyaname de ame vatiş ke xerabîya krîzê îklîmî roj bi roje xorîn bena. Beyanameyî waşt ke ekoqirkerdiş bêro vindarnayîş û sey sûcî bêro qebulkerdiş. Goreyê beyanameyî ganî sotemenîyanê fosîlan ra lez, adil û girêdayox bêro vejîyayîş. Berhemardiş û vilakerdişê enerjî zî ganî binê wayîrîya pêroyî de bi îdareyê demokratîk ê karker û komelan bêro plankerdiş.

Serdestîya xidayan û edaletê îklîmî

Beyanameyî waşt ke citkarî de xebitnayîşê jehrî biqedîyo la citkarî pey de nêmanê. Beyaname de ame vatiş ke ganî heqê herre û toximî bêrê pawitiş.

Goreyê beyanameyî fînansmanê vera krîzê îklîmî berpirsîyarîya welatanê averşîyayeyan a tarîxî ya. No fînansman ganî bes bo, pêroyî bo, sey hîbe bêro dayîş û deynê neweyî peyda nêkero. Komelê ke krîzê îklîmî ra tewr zaf zerar vînenê ganî rasterast biresê çimeyan.

‘Xida, awe, enerjî û sitarbîyayîş heq ê’

Beyanameyî venga heme şaranê dinya da ke cuyêka azad, seypê û aştîyane pîya awan bikerê. Beyaname bi vengdayîşê “Serra bîne ma Etîyopya de reyna yenê têhet” qedîya û tede ame vatiş: “Xida heq o. Awe heq a. Enerjî heq a. Sitarbîyayîş heq o.”

Tadayox: Mehmet Olmez

Pare Bike
ALO 153Bajarê Dostê Cinîyan