Çarçewaya Projeyê “Ortak” de ke bi mabênkarîya Însîyatîfê Ferhat Unvarî û piştîya Weqfê Mercatorî ame destpêkerdiş, xebatî dest pêkerd. Amancê projeyî o yo ke têkoşînê vera nijadperestî bêro kerdiş, vernîya cîyakarî bêra girewtiş û bi rayîrê sporî piştîpêdayîşê komelkî xurt bibo. Heyetê perwerdekaranê Serekîya Daîreya Xizmetanê Ciwanîye û Sporî Hanau de pêvînayîşî kerdî.

Falîyetê sporî yê hemvergerî ameyî qiseykerdiş

Heyetî yewîna sporî ya Şaredarîya Hanauyî, yewînanê ke warê têkoşînê vera nijadperestî de xebitîyenê û Klubê Sporî yê Hanau SC 96 reyde pêvînayîşî kerdî. Pêvînayîşan de rolê sporî yê têkoşînê vera cîyakarî û nijadperestî ame erjnayîş; bale ancîya xurtkerdişê ciwanan û averberdişê falîyetanê sporî yê hemvergeran ser o. Xebatê hemparî yê mabênê her di şaristanan zî ameyî qiseykerdiş.

Parekerdişê tecrubeyan û falîyetê hemparî

Bi Projeyê “Ortak” amanc o yo ke parekerdişê tecrubeyan ê mabênê Amed û Hanauyî xurt bibo û bi hêzê sporî yê yewkerdoxî vera nijadperestî û cîyakarî nêzdîbîyayîşê hemparî aver şêrê. Amanc o yo ke hemkarîya mabênê her di şaredarîyan bi falîyetanê hemparan ê warê ciwanîye û sporî dewam bikera.