Şaredarîya Amedî ya Şaristanê Girdî venga hemwelatîyan da ke sebebê varanê zafî û rewşa hewayê nêweşe ra hewceyîyanê xo yê rojaneyan de zehmetî vînenê, seba piştî muracatê Merkezê Vengdayîşî ALO 153 bikerê. Eşkerayîye de ame vatiş ke ekîbî 7 rojî 24 saetî wezîfe ser o yê; bi taybetî seba hemwelatîyanê pîran ke tena ciwîyenê, astengdaran û nêweşanê kronîkan ke ganî şêrê nêweşxane.

Şaredarîya Şaristanê Girdî derheqê problemanê cuya rojaneyî de eşkerayîyêk daye ke varanê zafî şaristanî de ardî meydan. Eşkerayîye de ame dîyarkerdiş ke hemwelatîyan rê piştî do bêra dayîş ke sebebê hewayê nêweşî ra nêeşkenê hewceyîyanê xo yê zerûrîyan temîn bikerê û eşkenê bi rayîrê Merkezê Vengdayîşî ALO 153 biresê şaredarî.

Amanc o yo ke şaredarî biresa hemwelatîyanê hewcedaran

Eşkerayîye de bale ancîya hemwelatîyanê pîran ser o ke keye de tena ciwîyenê, hemwelatîyanê astengdaran, nêweşanê kronîkan ke ganî şêrê nêweşxane û hemwelatîyan ke teber de mendî û nêeşkenê hewceyîyanê xo yê bingeyinan temîn bikerê. Ame dîyarkerdiş ke ekîbî seba emnîyetê heme hemwelatîyan hedre yê û xebatanê xo yê warî dewam kenê ke kes mexdûr nêbo.

Talebê piştî eşkenê bêrê resnayîş ALO 153

Eşkerayîye de ame vatiş: “Ma bi heme ekîbanê xo warî de yê ke nê rewşa hewayê zehmete de kes mexdûr nêbo. Şima eşkenê wextê hewcedarîye de bi rayîrê Merkezê Vengdayîşî ALO 153 biresê ma.”