Serekîya Daîreya Xizmetanê Astengdar û Pîran çarçewaya Hewteyê Losemî de gedeyê ke Beşê Hematolojî yê Nêweşxaneyê Unîversîteya Dîcleyî de tedawîya losemî vînenê, zîyaret kerdî. Bernameyî de ke Mudirîya Şûbeyê Nêweşîyanê Kêmîpeyda û Kronîkan organîze kerd, personelê ke kostumê renginî pay kerdbî, gedeyan reyde ameyî têhet û bi çalakîyanê cîya-cîyayan moral da înan.

Kaykilê ke kursîyeranê astengdaran amade kerdbî, ameyî dîyarîkerdiş

Zîyaretî de kaykilê darênî û dîyarîyê cîya-cîyayî gedeyan rê ameyî dayîş ke kursîyeranê astengdaran Atolyeya Dîzayn û Hunerî ya Warê Cuya Hempare yê Sumerparkî de bi keda destanê xo amade kerdbî. Çalakîye beşdarîya kursîyeranê astengdaran a berhemdayîş û cuya komelkîye zî da şinasnaye; berhemê keda destan seba piştîpêdayîş û parekerdişî resnayî gedeyan.

Amanc o yo ke moralê gedeyan zêde bibo

Bi çalakîye amanc bî ke gedeyê ke tedawîya losemî vînenê, hîs bikerê ke prosesê tedawî de tena nîyê û moral û motîvasyonê înan zêde bibo. Sewbîna amanc bî ke komelî de derheqê losemî de hişyarî xurt bibo.

Çarnayox: Mehmet Olmez