Tarîx bar beno...
⏳Bar beno...
UNESCO Dünya Mirası
10.11.2015
Bilindiği üzere, “Diyarbakır Kalesi ve Hevsel Bahçeleri Kültürel Peyzaj Alanı”, 2015 yılında UNESCO Dünya Mirası Listesi'ne kaydedilmiştir.
Îdareyê Awe û Kanalîzasyonê Amedî (DÎSKÎ)

DÎSKÎ mezrayêka 80 keyeyan de 3 hezar metre xeta awa şimitişî ronana

Mezraya Aşagi Kirlangiçî de bi taybetî aşmanê hamnanî de problemê awa şimitişî peyda benê. Mudirîya Pêroyî ya DÎSKÎ seba çarekerdişê nê problemî dest bi xebate kerd. Mezra de 3 hezar metre xeta awa şimitişî do bêra ronayîş û depoyêkê awe yo 100 metrekub do bêro viraştiş.

Mezraya Aşagi Kirlangiçî girêdayeyê qezaya Baglarî ya. Awa mezra bîrêkê sondajî ra bi hîdroforî yena. La awe zaf rey birîyena. Şebekeyo kehen 1.200 metre yo û 80 keyeyan ra tena reseno 40 keyeyan. Mudirîya Pêroyî ya DÎSKÎ seba ke nê problemî çare bikera dest bi xebata binawanî kerd.

Depoyo newe do awe pêser bikero û vila bikero

Mezra de 3 hezar metre xeta newîye do bêra ronayîş û depoyêkê awe yo 100 metrekub do bêro viraştiş. Awa bîrî do depo de pêser bibo û uca ra şêro şebeke. Wina barê hîdroforî kêmî beno û wexto ke elektrîk birîyeno zî awa depoyî dîyena. Şebekeyo newe do bireso heme 80 keyeyan.

Şebeke goreyê hewceyîyanê ameyoxî ame plankerdiş

Kontrolora Projeyî Besra Memiş va: “Amancê ma o yo ke keyeyê ewroyî awe bigîrê û keyeyê ke do ameyox de bêrê viraştiş zî biresê binawanîya awa şimitişî.”

‘Hîdrofor xirabe bîyêne, ma bêawe mendêne’

Muxtarê Taxa Buçuktepeyî Abdulkadîr Kurtboganî va ke înan seba çareyî DÎSKÎ rê muracat kerd û dima xebate dest pêkerd. Kurtboganî va: “Hîdrofor hewte de yew-di rey xirabe bîyêne, ge-ge ma bi rojan bêawe mendêne. O wext dewa ma 20 keyeyî bîye, ewro bîya 80 keyeyî. Ez seba na xebate DÎSKÎ û Şaredarîya Amedî ya Şaristanê Girdî rê sipas kena.”

‘Xeta kehene êdî qîm nêkerdêne’

Şarê mezra ra Seyfettîn Yeşîlormanî va: “Verê dewa ma qij bîye, keyeyî tay bîyî. Wext ra keyeyî zêdîyayî. Bi taybetî aşmanê hamnanî de awa ma kêmî bîyêne û nêresayêne keyeyanê ma. Ma hêvî kenê ke bi sîstemê neweyî ma pêro awe ra îstîfade bikerê. Ma wazenê ke xebatê winasî heme dewan de ke tengîya awe ancenê, bêrê kerdiş.”

Bi sermîyangozarîya 1 mîlyar TL binawanîya awe do xurt bibo

Na xebate parçeyê bernameyê sermîyangozarîya awa şimitişî yê DÎSKÎ ya ke butçeyê ci 1 mîlyar TL yo. Bi bernameyî plan bîyo ke 282 hezar û 200 metre şebekeyê awa şimitişî û 50 depoyê awe bêrê viraştiş û 45 hezar metre bîrê sondajî bêrê akerdiş.

Pare Bike
ALO 153Bajarê Dostê Cinîyan