Şaredarîya Amedî ya Şaristanê Girdî Mudirîya Pêroyî ya DÎSKÎ û şaredarîyanê qezayan reyde bi koordînasyon mudaxeleyê cayan kena ke sebebê varanê zafî ra tede problem bîyo. Ekîbî awa ke çatrayîr û rayîran de pêser bîye, vejenê; îtfaîya zî goreyê xeberan cayan de xebitîyena ke awe eşta ser.

Şaredarîya Şaristanê Girdî xebatanê xo dewam kena ke tesîrê nêweşî yê varanan kêmî bibê ke seranserê şaristanî de normalanê demsale ra zêdeyêr bîyî. Bi koordînasyonê Sekreterê Pêroyî yê DBB'yî Serdar Bakiroglu ekîbê Şaredarîya Şaristanê Girdî, DÎSKÎ û şaredarîyanê qezayan mudaxeleyê awa pêserbîyayîye û awgirewtişan kenê.

Awa çatrayîr û rayîran yena vetiş

Ekîbî eşteyan pak kenê ke vernîya herikîyayîşê awe gênê, izxarayanê xetimîyayan akenê û awa varanî vejenê. Cayan de ke awe tede pêser bena, xebatî bi koordînasyon dewam kenê ke problemê resî kêmî bibê û emnîyetê hemwelatîyan temîn bibo.

Îtfaîya mudaxeleyê awgirewtişan kena

Ekîbê Serekîya Daîreya Îtfaîya goreyê xeberan şîyenê cayan ke tede awgirewtiş bîyo; awe vejenê û mexdûrîya hemwelatîyan hewa danê. Bi koordînasyonê ekîbanê warî û yewînan ekîb û ekîpman şawîyenê cayanê hewceyan.

Hemwelatîyan rê Vengdayîşê ALO 153î

Şaredarîya Şaristanê Girdî venga hemwelatîyan da ke eke mecbûr nêbê teber nêvejîyê, cayanê awa pêserbîyayîye û resî de baldar bibê û problem û talebanê xo yê mudaxeleyî xeber bidê Merkezê Vengdayîşî ALO 153.