Mudirîya Pêroyî ya DÎSKÎ xeta newîye ronaye ke hewcedarîya taxe ya awa şimitişî temîn bibo. Çimeyê mewcûdî de rîyê ziwayîye ra awe mewsiman de kêmî bena. Demanê ke çime hewcedarîya rojane ya şarê taxe temîn nêkerdêne, 2 serrî yo ke DÎSKÎ bi tankeran awe berdêne taxe. Pê awa çimeyê neweyî yeno amanckerdiş ke mîqdarê awe yo ke resena taxe zêde bibo û kêmanîya awe ya mewsimî û hewcedarîya tankeran kêmî bibo.

Awe do çimeyê Damarî ra bireso taxe

DÎSKÎ xebata xo de ke seba resnayîşê awa çimeyê herêma Damarî ramena, resa merheleya girêdayîşî. No çime merkezê qezaya Licê rê zî awe dano. Pê xebatêka nêzdîyê yew hewteyî, xeta awa şimitişî ya 1.100 metre ameye ronayîş. Girêdayîşê xeta newîye û şebekeyê mewcûdî ra dima, yeno plankerdiş ke 9ê teşrîna verêne ra nat awe bêro dayîş.

Muxtar Ekincî: DÎSKÎ problem çareser kerd

Muxtarê Taxa Şêxanî Necatin Ekincî vat ke bi serran o seba çareserkerdişê problemê awe bi fekkî û bi nuştekî muracat kerdo. Ekincîyî ard ziwan ke xebata ke daye destpêkerdiş, şarê taxe rê bîya hêvî û wina vat: "Hîrê dewreyî yo ke ez muxtarîya Şêxanî kena. Bi serran o ez problemê awa şimitişî reyde têkoşîn kena. Mudirîya Pêroyî ya DÎSKÎ nê problemî ser o xebitîyaye û çareserîya ci dîye. Nika ma şahidê ci yê. Wexto ke awe bireso taxe, ma do hîna zaf şa bibê. Ma şa yê. Bi nameyê taxa xo ez DÎSKÎ rê sipas kena."

Çarnayox: Mehmet Olmez