Mudirîya Pêroyî ya DÎSKÎ, bi amancê problemê awa şimitişî yê Taxa Husamdelo ya 50 keyeyan ke girêdayeyê qezaya Farqînî ya û serran ra yo dewam keno, bi hewayo daîmî çareser bikera, seba newekerdişê xeta awa şimitişî ya hezar û 500 metreyî xebate daye destpêkerdene.

Çar rojanê verênan ê xebatan de 900 metre xeta awa şimitişî ya newîye ameye ronayene.

Girêdayîşê aboneyî yê 50 keyeyanê taxe zî do xeta newîye ra bêrê girêdayene. Yeno amanckerdene ke bi temambîyayîşê girêdayîşanê aboneyî, xebatî tarîxê destpêkî ra 10 rojan de bêrê qedênayene.

Bi dekewtişê xetanê neweyan ê xizmetî, yeno amanckerdene ke vernîya xirabîyanê ke taxe de zaf benê û birnayîşanê awe yê girêdayeyê înan bêro girewtene.

🔗