Mudirîya Pêroyî ya DÎSKÎ, taxa Talaytepe ya qezaya Kayapinarî de dorûverê Nêweşxaneyê Şaristanî de ke viraştişê ci dewam keno, cadeyanê Abdulkadîr Topkaç, Çarçira, Jîyan, Leyla Qasim û Necmettin Erbakanî de do 4 hezar metre xeta awa varanî rona.

80 lojinê tamîrî ke do xete ser o bêrê awankerdene, do seba kontrol, pakkerdiş û miqateyê sîstemî bêrê xebitnayîş.

Xebata binawanî ya awa varanî 21ê êlule de dest pêkerd; plan beno ke hîrê aşman de biqedîyo. Xebata binawanî ra dima do rayîran de xebata asfaltî bêro kerdiş.