Şaredarîya Amedî ya Şaristanê Girdî, seba Mêmanxaneyê Wendekaranê Kênekan ke wendekarê ke seba perwerdeyê unîversîte teber ra yenê şaristanî û hewceyîya starbîyayîşî est a, xizmet dana, muracatê demserra perwerdeyî ya 2026-2027î dayî destpêkerdiş.

Mêmanxaneyo ke Mudirîya Şûbeyê Wargeh û Mêmanxaneyan a Serekîya Daîreya Xizmetanê Komelkîyan de xizmet dano, qezaya Yenîşehîrî de bi kapasîteya 136 odeyan û 391 cilan wendekaran rê mêmandarî keno.

Muracatanê qeydê verênî ke 30ê tebaxe de dest pêkerd, do heta 11ê êlule bi hewayo onlîne bêrê kerdiş.

Badê prosesê qeydê verênî, muameleyê qeydê qetî do Mudirîya Şûbeyê Wargeh û Mêmanxaneyan de bêrê kerdiş.

Agahîya bidetaye ya derheqê prosesê muracat û qeydî de do Merkezê Vengdayîşî yê Alo 153î ser o bêra girewtiş.

Seba muracatî wendekarî eşkenê https://yurt.diyarbakir.bel.tr/ ra muracat bikerê