Şaredarîya Amedî ya Şaristanê Girdî, bi amancê ke gedeyî demê xo yê teberê dersî waranê biemnîyetan de bivîyarnê, taxanê dewan û waranê ronîştişî de ke qezayanê merkez û teberî ra girêdaye yê, grûbê kayan ê gedeyan awan kena.

Çarçewaya bernameyî de 39 taxan de ke qezayanê Çêrmûg, Çinar, Karaz, Licê, Farqîn, Hêni, Pîran, Sûr, Baglar û Yenîşehîrî ra girêdaye yê, montajê parka gedeyan û grûba kayan ameyî temamkerdiş.

Pê na xebate yeno amanckerdiş ke gedeyî wextê xo yê vengî de bi hewayêko weş û biemnîyet bivîyarnê.

Taxa Fîdanlarî ya girêdayeyê qezaya Sûrî de zî grûba kayan a gedeyan ame awankerdiş û seba gedeyan ame pêşkêşkerdiş.

Muxtarê Taxe Ahmet Fidanî dîyar kerd ke xebate hetê gedeyan ra ke taxe de ciwîyenê, hewceyîyêka muhîme temîn kerde û keyfweşîya xizmetî arde ziwan ke taxa înan de zî bi serûber ame awankerdene.