Merkezê Şêwirmendîye û Perwerdeyî yê Girêdayîşê Madeyan ke girêdayeyê Serekîya Daîreya Xizmetanê Komelkî yo, beşdarê sempozyumê “Girêdayîşî de Nêzdîbîyayîşê Aktuelî” bî ke hetê Beşê Psîkolojî yê Unîversîteya Dîcle ra ame organîzekerdiş.

Sempozyumî de bale ancîya ser o ke girêdayîş problemêkê weşî yo ke eşkeno bêro dermankerdiş û xizmetê komelkî yê vernîgirewtoxî, şêwirmendî, piştîdayîşê keyeyî, xebatê seba gedeyan û prosesê pêameyîşê komelkî yê badê dermankerdişî qisey bîyî.

Xebatê ke merkezê ma goreyê prensîbanê nimitîye, cîyanêkerdiş û xizmetê bi ziwanê dayîke ramenê, ameyî parekerdiş û bale ancîya ser o ke têkoşînê vera girêdayîşî de hemkarîya mabênê îdareyanê herêmkîyan, dezgehanê weşîye, unîversîte û rêxistinanê komelê sîvîlî muhîm a.