Mudirîya Pêroyî ya DÎSKÎ Keyeyanê Komkî yê Yemişalanî de ke girêdayeyê Taxa Batiçanakçî ya qezaya Rezanî yo, depoyêko 100 metrekub û xeta awa şimitişî ya teqrîben 3 hezar metre temam kerd.

Na xebate seba hewanayîşê kêmanîya awa şimitişî ameye kerdiş ke serranê dergan ra nat est bîye.

Bîrê sondajî newe ra dekewt falîyet û awe resaye teqrîben 120 keyeyan.

Xebata ke amanc kena ke kêmanîya awe ya aşmanê hamnanî û herêmanê berzan hewano, çarçewaya bernameyê sermîyangozarîya binawanîya awa şimitişî yê DÎSKÎ de ameye temamkerdiş ke seranserê Amedî de ramîyeno û teqrîben 1 mîlyar lîrayan o.

Şarê taxe memnûnîya xo îfade kerd ke kêmanîya awe ya serranê dergan ameye çarekerdiş.