Walî Karaloglu:” Ma wazeme ke 17 qeza de biresîmê heme ciwananê xo û heme qezayan de cayanê sporkerdişî bivirazîme ma xebatanê xo domnenê.İna babete de paştgerîyê Wezîrê Ciwan û Sporî Mehmet Muharrem Kasapogluyî gird o.

Walîyê Dîyarbekirî Munir Karaloglu, xelate serkewteyê Lîgê Master ya Wisarî ya Şaredarîya Girdî daye. Musabaqa hetê Serekîya Dayîreyê Ciwan û xizmetanê Sporî ya Şaredarî û Federasyonê Masteran ya Bajarî ame serrast kerdiş. Pêroyî de 17 taximî mücadele kerd û musabaqa Tesîsê Sporî ya Şaredarîya Bajarê Girdî ya Dîyarbekirî de virazîya. Karaloglu musabaqayê mabenê taximê Sanayîspor-Yeşîlyildizsporî temaşe kerd. Musabaqa de Sanayîspor 2-0 serkewt û Walî Karaloglu taximê serkewte rê madalya daye û serkewtişê taximanê binan waşt.

Walîyê Dîyarbekirî Munır Karaloglu merasîmê xelatdîyayişî bal ont giringîya spor û sporbazan ser o û vîr vîst ke semedo ke 17 qeza de tesîsê sporî bêrê awankerdiş xebatanê şaredarî dewom keno. Walî Karaloglu bade qalîkerdişê xo wîna domna: “Musabaqa pê 17 taximêdest pê kerd û grubê dîyin de zî 10 ekîp est bi. Semedê yewîne her di gruban Stadyumê Dîyarbekirî de musabaqayê serkewteyan bêro viraştiş. Spor cuya ma de yeno cîya-cîya manayan. Semedê taye merdiman spor pê sporbazan, îdarekeran semede tayene zî cayê nîyadoxî de yo. Labelê ma zanenê ke manayê sporî semedê ma zaf o. Spor hem centilmenI^hem paştgerî hem zî mücadele yo. “

Ma wazeme ke 17 qeza de bireşime heme ciwananê xo

Walî Karalogluyî ard vîr ke Walîtîya dîyarbekirî û Şaredarîya Bajarê Girdî ya Dîyarbekirî semedo ke hemwelatîyan teşwîkê sporî bikero cîya-cîya çalakîyan serrast keno û Karalogluyî bade wîna vat: “Ma wazeme ke 17 qeza de biresîmê heme ciwananê xo û heme qezayan de cayanê sporkerdişî bivirazîme ma xebatanê xo domnenê.İna babete de paştgerîyê Wezîrê Ciwan û Sporî Mehmet Muharrem Kasapogluyî gird o. Înşalla demêko nêzdî de heme qezayan de seha û tesîsê sporî bêrê awankerdiş.”

Qalîkerdiş ra dima Walî Karaloglu xelate taximê serkewte daye û înan reyde fotraf ont.