Şaredarîya Bajaê Girdî ya Dîyarbekirî pê amayişê pay3ızî semedo ke verê laseran bigîro xetê awa şilîye de xebata pakîye da dest pêkerdiş.

Madeyê ke erzîyenê mîyanê qenelan benê sebebê xetimyayişê û nê zî benê sebebê arizayan aye ra ekîbê Midurîya Pêroyî yê Awe û Îdareyê Kanalîzasyonî ya Şaredarîya Bajarê Girdî ya Dîyarbekirî pê amayişê payîzî çarçiwa tedbîran de semedo ke verê laser û xetimyayişan bigîre menfez û qenelanê awa şilî de xebata pakîye da dest pêkerdiş.

Dîskî semedê xebatan “Ekîbê Pakîye ya Locin,Şebeke û İzxarayî” rona û ehtêk ra hem merkeze bajarî de heto b3ın ra zî qezayon de xebata pak3ıye da dest pêkerdiş.

Çarçiwa xebatan di 250 hezar û 400 metre xeta şebekeyi û 10 hezar û 300 mazgal de xebata pakîye virazîya.

Ekîbê şaredarî çarçiwa tedbîran de 250 hezar û 400 metre xeta şebekeyi û 10 hezar û 300 mazgal de xebata pakîye viraştê. Semedo ke qenalan nêxetimyo çop û pelê ke daran ra kewenê waro mîyanê mazgalan zî ame pakkerdiş.

Ekîbê şaredarî 7/24 kar û gure xo ser ê

Dîskî semedê wezîyeto lezgîn ekîbêko bîn rona û ina ekip 7

7/24 kar û gurê xo ser de yo

Problemê en gird çopanê ke erzîyenê mabenê mazgalan o

Midurê Pêroyî ya Dîskî M.Fırat Tutşı da zanayene ke xetimîyayişê qenalan çopan ver peyda benê û bade wina vat : “Semedo ke tay kesî çopanê xo, pelê ke daran ra kewenê waro û eşteyanê înşaatî erzenê mîyanê kanalan û mazgalan awe ser de şina. Rîyê nê çîyan ra timûtim kanalîzasyonî xetimîyenê û awe ser de şina. Ekîbê ma semedo ke ariza peyda mebo şewe û roje xebetiyenî û ca de mudaxale kenî.Ganî herkes berpirsîyarîye xo bîyaro ca. “