Serekê Komela Poştîpêdayîş û Cigêrayîşê ya 78an Ganı Alkan û Endamên Îdarekerê Lijneyî Hemşaredarê Şaredarîya Bajarê Girdî yê Amedî Adnan Selçuk Mizrakliyî zîyaret kerd .Mizrakli zîyaret de bal ont şaredarîya girdî pê şaredartîya demokratîka beşdarvanî îdare bibo.

Hemşaredarê Şaredarîya Bajarê Girdî yê Amedî Adnan Selçuk Mizrakliyî rê zîyaretê pîrozkerdîşan dewom kenê. Serekê Komela Poştîpêdayîş û Cigêrayîşê ya 78an Ganı Alkan û Endamên Îdarekerê Lijneyî Hemserek Mizrakliyî zîyaret kerd û serkewtîşê ey waşt.

Serekê Komela Poştîpêdayîş û Cigêrayîşê ya 78an Ganı Alkan qiseykerdîşêk viraşt û îzeh kerd kê komeleya ci semedê poştîpêdayîş û piştgirîyê her çîyan hadre yo.Mizrakli zî zîyaret ra ver keyfweşîyê xo ard ziwanê xo ser û heyet rê spas kerd.

Wayîrê şaredarîyê ina şarê

Mizrakli heyet ra mudeyêk pêvînayiş kerd û “Gere nê zîyaretan ma yo bikerê hama ma demêko kayûmî ra pey ame û xeylê xidarî û persiv estê.Zîyaretê pîrozkerdîşan ra ver gere ma zîyaretê spasîyan bikerê.Wayîrê şaredarîyê şima yê,wayîrê şarêdarîyê ina şar o.Karanê kê ma do bikerê gora rûmet û kulturê ina şarî bibo.” Vat.

Konseyê bajarî yeno aktîfkerdiş

Mizrakli îzeh kerd kê wezîfê û berpirsîyarîyên kê verê ci de yê pê îdareyêko demokratîk û beşdarvanîyî bikerê û bado wına dewom kerd:”Ma tim şaredartîya beşdarî yê demokratîk esas girewt.İna çarçewa de konseyê bajarî aktîf bibo û qiraranê bajarî ya heme de bi beşdarîya konseyê bajarî qirar bêrê girewtene.La her çi ra ver ina bajar bibo bajarêko merdimperwer û rêzdarê tebîatî.Yane ina bajar bibo bajarê cinîyan.Ma zananê ina çarçewa de xeylê qemasîyên ma estê la ma gere xeletîyên kehen ra ders bigîrê û bi ina feraset xebatanê xo bikerê.

Ma do sazîyêko tekildarê şarî bibeme

Mizrakli pêynîyê de derheqê şaredarîyê de wına va:”Xeylê zaîfîyê şaredarîya ma esto.Ma gere xêz bidemê ina het xo.Gere ma ina raştîyê qebûl bikerê.Eke ma xo rê zure bikerê û ma raştîyan qebûl mekerê,ma prange bi xo dane linganê xo piro.Şaredarî gere sazîyêko tekildar bibo û şarî rê tim û tim akerde bibo.Yane gere şaredarî şarê xo rê wayîr bivejê.”