Wendenkarî,Banê Tîje yo ke hetê Şaredarîya Bajarê Girdî ya Dîyarbekirî ra Sumerparke de ameyo viraştiş û enerjîya xonewekerde de sey nimuneyêk o, zîyaret kerd û derheqê sîstemê enerjîya tîje de zanayîş girewt.

Serekîya Dayîreyê Pawitişê Dorûverî û Kontrolî ya Şaredarîya Girdî semedo ke wa gedeyî pawitişê dorûverî bimusê û hîstenîkîyê xozayî bizanê xebatanê xo domneno.

Çarçiwa xebate de gedeyî ke Mektebo Vêren ya Fatıh de perwerde gênê, Banê Tîje yo ke Cuya Muştereq ya Sumerparkî de ca ^Geno, gêrayî.

Wendekarî derheqê enerjîya xonewekerde de û feyde û zirarê ardûyê fosil de agahî girewtê.Selahîyetdarê Banê Tîje zî derheqê sîstemê enerjîya tîje ser o agahî daye gedeyan.

Wendekar Berra Çerî ya ke 9 serrî dera, wina va: “Ewro tîya de derheqê tîje û dorûverî de zaf agahî dîya. Ma ewro musayî ke tîje enerjîyêka tebîî ya.”

Wendekar Elanur Erdogane da zanayene ke ewro tîya de giringîya eşteyon û teserifî musaya û bade qalîekrdişê xo wina domna : Ewro ma semedo ke awe û elektrîkî zayî mekerî rayîrê teserîfî musayî. Ma mirda xo keyf kerd.”

Baran Ekenî ke 10 serrî deyo kîfş kerd ke ewro pawitişê dorûverî û xozayî ser o zaf çî musayo û bade wina vat: “Ma tîya de giringîya cîyakerdişê asîn û plastîkan û sebebe şewatê daristanan musayî.”

Serekîya Dayîreyê Pawitişê Dorûverî û Kontrolî ya Şaredarîya Girdî pêynîya çalaki de kitabe boyaxkerdişî da gedeyan.