Berberê ke bi rizayida xo quçeyanê bajarî de verê Roşanê Qurbanî taştişê gedeyan keno Resûl Yilmazî,Hemserekê Şaredarîya Bajarê Girdî yê Amedî Dr.Adnan Selçûk Mizrakliyî zîyaret kerde.

Berber Resûl Yilmazî ke nizdê 2 aşmî verê projeyêk dabî destpêkerdene û taştişê kesanê muhtac û kokiman bi rizayida xo keno,Hemserekê Şaredarîya Bajarê Girdî yê Amedî Dr.Adnan Selçûk Mizrakliyî zîyaret kerde.

Hemserek Mizrakli Berber Yilmazî pîroz kerde û wîna vat:”Zerrîyan di xeylê dewlemendîyan estê.Meymanîya şima semed mi çîyêko zaf bi rumet o.Destê ke tengîye de dergê kesanê bînan beno zaf pîroz o.Keyweşîye gedeyêk ra zêdetir çîyêko weş çîno.Keyfweşkerdişê gedeyan, merdiman henî hêzdar keno.”

Yilmazî pêvînayiş de derheqê projeyanê xo de agahî daye Hemserek Mizrakliyî û dimayê pêvînayişî de kitab dîyarîyê Mizrakliyî kerd.Hemserek Mizrakliyî zî makînaya taştişê dîyarîyê Yilmazî kerd û serkewtîşê ey waşt.