Şaredariya Bajarê Mezin a Amedê, peykerên “Hevseng” û “Pela Çinarê” ku di Atolyeya Hunerê de ji kelûpelên avêtinê hatine veberanîn li du duryanên cihê yên bajêr hatin bicihkirin. Hevserokê Şaredariya Bajarê Mezin a Amedê Adnan Selçûk Mizrakli, peyker di cih de venêrtin û destxweşîya ciwanên keda wan tê de heyî, kir.

Atolyeya Hunerê ya bi ser Serokatiya Daîreya Park û Baxçeyan a Şaredariya Bajarê Mezin a Amedê kelûpelê avêtinê ji nû ve veber tîne û wan berheman li duryanên bajêr bi cî dike. li Atolyeya Hunerê berî 5 mehan dest bi veberanîna berhemên bi navê “Hevseng” û “Pela Çinarê” kir û jê du peyker çêkirin. Hevserokê Şaredariya Bajarê Mezin a Amedê Adnan Selçûk Mizrakli peyker seh kirin û destxweşî li ciwanên ku keda wan di çêkirina peykeran de bûye, kir.

Peykerê bi navê “Hevseng” bi destê peykersaz Mehmet Salîh Coçkun bi kevirê bazalt ê Qerejdaxê hate çêkirin. Peyker ‘cîhana di navbera qencî û neçakiyê de asê bûyî sembolîze dike’ û li Bulvara Mahabadê hate bicihkirin. Peykerê “Pela Çinarê” jî Coçkun ji bermahiyên metalî çêkir û Duryana Qantarê ya li ser Rêya Ruhayê hate dabînkirin.

Şaredariya Bajarê Mezin a Amedê, dê berhemên ku di Atolyeya Hunerê de tên veberanîn li deverên cihê cihê yên bajêr bi cih bike.

Mizrakli serdana Temaparkê kir

Hevşaredar Mizrakli, ligel Serokê Daîreya Park û Baxçeyan û amîrên beşên têkildar li navçeya Peyasê serdana Temaparkê kir û rewşa wê seh kir. Mizrakli der barê xebatan de agahî ji rayedaran wergirtin û li parkê bi welatiyan re rûnişt. Mizrakli, pîrozbahiyên welatiyan bi “serçavan” wergirtin û der barê kar û xizmeta di parkê de guhê xwe da bîr û boçûna welatiyan. Mizrakli pişt re serdana li navçeya Rezanê Cadeya Sakaryayê kir û der barê rewşa xebatên nûkirinê de agahî wergirtin.