Birêz Walîyê ma û Serekwekîlê Şaredarîya Bajarê Girdî ya Dıyarbekırî Hasan Basrî Guzeloglu,beşê Dermankerdîşî ya ke Serekîya Dayîreyê Karanê Weşîye ra giredayeyê zîyaret kerd û “Ma ekîpman û dermananê ke Rêxistina Weşî ya Cîhane kîfş kerdî, şuxulnenî” vat.

Birêz Walîyê ma û Serekwekîlê Şaredarîya Bajarê Girdî ya Dıyarbekırî Hasan Basrî Guzeloglu semedê ke qemasîyê bajarî temom bikero bê mîyan xebatanê xo domneno.Birêz Guzeloglu,beşan zîyaret kenî û xebatan wekenitenî.

Birêz Walîyê ma û Serekwekîlê Şaredarîya Bajarê Girdî ya Dıyarbekırî Hasan Basrî Guzeloglu û Sekreterê Pêroyî ya Şaredarîya Girdî Muhsîn Eryilmaz, Beşê Dermankerdîşî ya ke Serekîya Dayîreyê Karanê Weşîye ra giredayeyê zîyaret kerdî.Birêz Guzeloglu silaf da personelan û girewt, dima derheqê xebatan di agahî girewt.Birêz Guzelogluyî xebatkaran rê spas kerd û serkewtîşê înan waşt.

Birêz Guzelogluyî aşkera kerd ke semedê weşîya şarî her xebatkar 17 qeza û merkezê bajarî de xeyle ked wenî û badê Birêzlogluyî wîna dewom kerd:”Şima semedê weşîya şarî têkoşînêko giring danî.Weşîya şarî, bi taybetî weşîya gedeyan semed ma zaf giring o û o semed xebatanê şima zî zaf giring û erje yo.Ma bi taybetî dîqqat kenî ke dermankerdîş û dermanan zirar mede xozayî û xebatkaran o semed ekîpman û dermananê ke şima şuxulnenî , ekîpmananê ke Rêxistina Weşîya Cîhane kîfş kerdîyî yo.

Birêz Guzelogluyî vîr vîst ke rêveberîya HDP yî dermankerdîşî rê erey mendî bî û “Ewro ma bi taybetî dermankerdîşe payîzê der î.Şima zî zanenê çi keyfo ke dermankerdîşî demanê vîyarte de xeyle problem vet werte.Hemwelatijê ma yo erjîyayî, şaredarî semedê şarî û xizmetê esto.Eke şima bi no ferasete xizmet bikerî, qemasîyan zî benî temom û hemwelatijan zî keyfweş benî la eke şima bi îdeolojîyî nizdê probleman bibê xizmet zî nêmaneno hemwelatijan zî bêkeyf benî.

“Armancê ma xizmet kerdîş û keyfweşîyê hemwelatijan o”

Birêz Guzelogluyî aşkera kerd ke semedê şarî şewe û roje xebitiyenî û badê wîna dewom kerd:”Ewro hîna, binawanîye,resî,awa şimitişî,dermankerdîşî ra heta rayîran xeyle probleman estê.Armanc û derdêkî ma estê , Dıyarbekırî rê xizmet.Ma wazenî ke hemwelatijê ma keyfweş bibo û ma çimê dewlete xo semedê xizmetê şarî bideme şuxulnayîş.Teyna armancêk ma estê,girewtîşê riza yo Heqî û duayê şarî yo.Homa ma rê nêsîb bikero.

Qalîkerdîşî ra dima Birêz Guzelogluyî beşanê bînan gêra û derheqê xebatan di agahî girewt