06.08.2019 de Rojnameya Yenî Şafak de xebera bi sernameyê ‘PKK Şaredarî de ya" vejîay û xebere keyepelê www.yenisafak.com de ca girewt.Şaredarîya Girdî hemverê no xebere zure de aşkerayîyêkanuştekî weşana.Aşkerayîye de ame vatene ke ê do vera na xebera teberê raştîye gere bikerî.

Ma 16ê Nîsane de ameyî wezîfe ser o û ma o waxt nata semedê xizmetdayîşê hemwelatijan xebate xo kerd .Ma tim kişta ked û kedkaran di ca girewt. Ma kêmanîyê xo yê personelan derbaz kenî û kêmanîyê ke 2 serr û nîme de pêameyî gam bi gam raşte ra wedarnenî.Ma heme personelanê xo gora mewzuate gênê. Xebere de şaredarî hedef ameya nîşandayene û no xebere hêrişê heqanê xebatkaranê şaredarîye kenî.Ma nê hêrişan hem semed xo hem zî semed xebatkaranê xo qed qebûl nêkenî. No xebere teberê raştîye ya. Ma heme xebat û xizmetanê xo de hemwelatijan kenî rêza yewine û aye gore têgêrenî.

Ma bi rêzdarî pêşkeşê şima kenî ke, ma heme îdayan red kenî û ma do hem sey komele û hem zî şexsî muracatê gere bikerî .