Şaredariya Bajarê Mezin a Amedê, bi boneya Cejna Remezanê ji roja erefê pê de 4 rojan dê xizmeta otobûsan bêpere bîne cih. Roja erefê û roja serî ya cejnê bi 117 otobûsan xelkê bajêr, li navenda bajêr û navçeyan bêpere dikare biçe ser goristanan.

Serokatiya Daîreya Veguhastinê ya Şaredariya Bajarê Mezin a Amedê, li navenda bajêr û navçeyan bi boneya Cejna Remezanê dê xizmeta bêpere bide welatiyan. Otobûsên Şaredariya Bajarê Mezin, roja erefê dê dest pê bike û heta dawiya cejnê dê xelkê bêpere siwar bike.

Serokatiya Daîreya Veguhastinê serdanên goristanan dan ber çavan û li gorî hindê roja erefê û roja ewil a cejnê dê hin xalbendan destnîşan bike û seferên goristanan dê ji van deran bêne kirin. Roja erefê û ya serî ya cejnê, 117 otobûsên şaredariyê li navenda bajêr û navçeyan dê li ber xizmeta welatiyan amade bin û wan bêpere bo ser goristanan bibin û bînin.